ගරු ස්වාමින්වහන්ස/ පින්වත් මහත්මයණනි / මහත්මියණි ,

සජීවීව උතුම් නිර්මල බුදුදහම පවතින රටක් දැක බලා ගන්න නම් ඔබ අනිවාර්යෙන්ම යා යුත්තේ මියන්මාරය හෙවත් බුරුමයටය. මීට වසර ගණනාවකට පෙර බුරුමය නමින් හැදිනවූ මෙම රට වසර ගණනාවක්ම හමුදා පාලනයට යටත්ව ලෝකයෙන් වසන්ව තිබූ ඉතා සුන්දර රටකි.

“ GEOGRAPHI’S TRAVAL” නැමැති සාඟරාවේ හදුන්වන ආකාරයට මියන්මාරය සංචාරකයන්ගේ මනබඳනා ප්‍රධාන රටවල් පනහෙන් එකකි.  විශේෂයෙන්ම ශ්‍රී ලාංකික බෞද්ධ අපට මෙම රට වැදගත් වන්නේ භික්ෂූන් වහන්සේලා ලක්ෂ දොලහක් පමණද දසසිල් මාතාවන් හා භාවනා යෝගීන් ලක්ෂ ගණනක්ද සිටින අතර රණින් බබළන වෙහෙර විහාර ලක්ෂ ගණනක් තිබෙන ඉතා සජීවීව බුදු දහම පවතින රටක් බැවිනි.

ඉන්දියාව, චීනය, තායිලන්තය, ජපානය, මැලේසියාව වැනි රටවල් මෙන් ප්‍රසිද්ධ රටක් නොවන නිසා ඔබ අසාවි බුරුමයේ මොනවද බලන්න තියෙන්නේ කියලා. නමුත් වරක් ගියොත් ඔබ කියාවි බුරුමය යනු බැලිය යුතුම රටක් කියා. අපි ඔබට කාරුණිකව මතක් කර සිටින්නේ ඔබත් මෙම සුන්දර රට තුල සංචාරය කිරීමට බලාපොරොත්තුවන්නේ නම් විශේෂ අවධානය යොමු කල යුතු වැදගත්ම කරුණ වන්නේ හොඳ සංචාරක ආයතනයක් හෝ සුදුසු මාර්ගෝපදේශකවරයෙකු හා සම්බන්ධ වීමය. මොකද බුරුම රට ගැන කිසිත් නොදත් එම රට සමඟ කිසිම සම්බන්ධතාවයක් නොමැති සමහර පුද්ගලයින් පිරිස් රැගෙන ගොස් අතරමන්ව අසරණව අපට මුණගැසුන අවස්ථා අපමණය. එම නිසා ඉතා ප්‍රවේසමෙන් කල යුතු පළමු දෙය නම් හොද සංචාරක ආයතනයක් සොයා ගැනීමයි.

වසර 15 පමණ සිට 36 වතාවක් බුරුම/ තායි සංචාර සංවිධානය කල අප ආයතනය වන ශ්‍රී ලංකා බුරුම මිත්‍රත්ව පදනම : ස්වර්ණභූමි තම්බපන්ණි සදහම් චාරිකා – සමග ගිය සිය දහස් ගණන් ශ්‍රී ලංකා බෞද්ධයන් අතර කිසිදු කෙනෙක් අසතුටෙන් හා කණස්සල්ලෙන් ලංකාවට නොපැමිණි බව සඳහන් කරනුයේ ඉතා සතුටින් හා ආඩම්බරයෙනි. ඊට ප්‍රධාන හේතුව වන්නේ අප ගරු අනුශාසක ස්වාමීන්වහන්සේගේ මඟ පෙන්වීම මෙන්ම උන්වහන්සේ බුරුම රටෙහි ඉගෙනගත් , බුරුම භාෂාව හොදින් කථා කරන බුරුම රට සමඟ ඉතා හොඳ සම්බන්ධතාවයක් තිබෙන බැවිනි. මෙවරද අප ආයතනය මඟින් පහත සදහන් දිනයන්හි සංවිධානය කරනු ලබන චාරිකාවන්ට ඔබටද සම්බන්ධ වීමට බලාපොරොතු වන්නේනම් ඉතා ඉක්මනින් දන්වන මෙන් කරුණාවෙන් මතක්කර සිටිමු.

තෙරුවන් සරණයි!!